ta'arufan pribados :D

Assalamualaikum Wr.Wb

Sampurasun Sadulur ...

             Kumaha daramang wargi-wargi Sunda sadaya?Bade nyobi ngiringan ahh ngagabung dina ''BLOG'',mudah-mudahan ieu BLOG di tampi ku sadayana.
             Sateuacanna,simabdi ngahaturkeun nuhun ka ibu miwah bapa guru TIK, rehna mantena atos tiasa masihan wurukan perkawis ieu BLOG ka simabdi miwah rerencangan sadaya. Neda nyuhunkeun hapunteun oge ka bapa miwah ibu sareng ka sadaya blogger,rehna ieu BLOG teu acan seueur anu tiasa di posting ku sim abdi.Dina waktos sareng kasempetan ieu,sim abdi nyuhunkeun ijin na kangge masih ta'arufan sim abdi pribadi.
           Nepangkeun wasta abdi Ela , lengkepna Ela Solihat , langkung lengkepna frop.Dr.dr.ela Solihat,s.pog (hehe amin),tiasa di sebat ela,teteh,ade,bibi sareng sajabina :D
       
         Pribados pituin urang Sunda asli,dibabarkeun kaping 25 maret 1996 (sok mangga bilih aya anu bade masihan kado.. Diantos .. hhe)di kota ciamis anu manis palih utara,nyaeta di kec,Panawangan anu pasti kasohor ku kupatna tea (hehe), langkung lengkepna di desa Sagalaherang kmp.Cimareme (pahing) Rt 04 , Rw.05,nomor 56,Jabar 46255 .Allhamdulilah ti kawit sim abdi di babarkeun dugi ka ayeuna yuswa 16 tun oge sim abdi insyaallah netep keneh di ieu tempat.

        
         Abdi ngawitan miang elmu ti yuswa 6 taun nyaeta di SDN  4 Sagalaherang ( ti ngawit 2002-2008),salajengna di MTS panawangan (ti kawit taun 2008-2011)sareng Alhamdulilah ti kawit taun 2011 dugi ka ayeuna sim abdi ngalajengkeun miang elmu di SMAN 1 panawangan, anu insyaallah tiasa tamat ku nilai anu leres-leres ,sareng tiasa ngalajeungkeun deui ka tingkat anu langkung luhur (amin).

        Sim abdi salah sahiji siswi ti kelas XI IPA 3,anu insyaallah ieu kelas jadi salah sahiji saksi awal perjuangan hirup abdi.

       Insyaallah di ieu sakola sim abdi hoyong nambihan pangalaman salain ti pangajaran formal,sim abdi oge hoyong nambihan pangalaman ti bidang non formal,salami kirang langkung 2 taun ieu ,insyaallah sim abdi masih tiasa aktif di organisasi, di antarana,OSIS,PMR,IRMAS,BANTARA,sareng insyaallah JURNALIS (hehe)

       Kahoyong abdi salami abdi milari elmu di ieu sakola abdi tiasa mendakan manfaat kangge jangka panjang kahidupan abdi .

      Sim abdi ngagaduhan cita-cita sareng harepan diantawisna, saatos sim abdi lulus ti SMA ieu,sim abdi hoyong ngalajengkeun deui sakola ka perguruan tinggi di UNPAD nyandak jurusan AKBID atanapi KEDOKTERAN . haha jangkung teuing nya ,tapi namina oge angan-angan,bade ka capai syukur henteu wae da kedah hhehe,sim abdi gaduh harepan kitu  da sim abdi khususna resep pisan kana bidang kasehatan...hehe

       cita-cita abdi nu paling ageung nyaeta hoyong ngangkat derajat pun ibu sareng pun rama,pokona mah pun ibu sareng pun rama kedah tiasa ngaluarkeun cai soca bahagia kusabab ningal sim abdi sukses hehe tapi manusa mah ngan ukur tiasa ngaharep dina tungtungna mah ngan Allah Swt anu tiasa ngabulkeun,

        kumargi ieu tangan atos karaos cape ngerikna,ta'arufan ti sim abdi di cekapkeun dugi ka dieu,
pasti teu aya gading anu teu retak,kitu oge cariosan sim abdi . Hatur nuhun kangge sadaya perhatosan na , hapunten anu kas suhun tina sadaya kakirangn sareng kalepatan bahasa,sareng cara ngadugikeun ieu ta'aruf.

akhirul kallam

wassalamualaikium Wr.Wb

NB ; kangge ibu miwah bapa guru TIK , sim abdi nyuhunkeun di hapunteun rehna ieu tugas nembe tiasa di posting,bunten nya pa/bu dinten kamari-kamari abdi na seueur pisan kaperyogian hehe..